An bukaci gwamnatin tarayya da ta jihohi da su matsa kaimi kwarai wajan bunkasa harkokin kasuwanci a kasar nan.
Bukatar hakan ya fito ne ta bakin shugaban matasan yan kasuwa masu faleti na kasuwar Singer dake birnin kano Alh. Jamilu mai shinkafa gida Alhaji Hamisu Rabiu Jingau.
Alh. Jamilu ya ce idan aka kwatanta kasuwancin wannan shekara da na shekarar da ta wuce a kwai nakasu na rashin ciniki duk da kayayyakin suna samun raguwar farashi wanda hakan yana da nasaba da rashin kudade a hannuwan mutane.
Kazalika ya bukaci kamfanoni da su kasance masu kimanta kanan yan kasuwa masu karamin jari inda a wasu lokutan idan daukaka ta zo wa kamfani sai yayi watsi da karamin dan kasuwar da yai ta wahala da kayan sa tun kafin ya yi karfi.
Daga karshe ya ja hankalin yan kasuwa da su kasance masu tsaida addini musamman kan kasuwancin su wajan sauka da tshin kayayyaki.
