Hadaddiyar Daular Larabawa (UAE) ta sanar da zuba sama da dala biliyan 168 a wasu muhimman ayyuka a Afirka tun daga shekarar 2017.
Rahotanni sun ce jarin ya shafi fannoni kamar ma’adinai, tashoshin jiragen ruwa, noma da makamashi mai sabuntawa.
Kamfanonin UAE, ciki har da DP World da Abu Dhabi Ports, na faɗaɗa ayyukansu a tashoshin jiragen ruwa da hanyoyin jigilar kayayyaki a sassan Afirka.
Masana sun ce babban ƙalubalen shi ne yadda ƙasashen Afirka za su yi amfani da wannan jari wajen gina ababen more rayuwa, masana’antu da ƙananan ‘yan kasuwa na cikin gida, maimakon ci gaba da fitar da albarkatun ƙasa kawai.
