Sarkin Maroko, Mohammed VI, ya yi afuwa ta musamman ga mutane 1,526 a ranar Juma’a, gabanin Bikin Babbar Sallah.
A cewar wata sanarwa daga Ma’aikatar Shari’a, an yi wannan afuwa ne a ranar Juma’a dare wadda ita ce jajibirin Babbar Sallah a Maroko sakamakon an gudanar da Sallah a ƙasar a ranar Asabar, 7 ga watan Yuni a ƙasar dake arewacin Afirka.
Daga cikin wadanda aka yi wa afuwa akwai fursunoni 1,305, waɗanda a cikinsu akwai mutum 206 da ba sa tsare amma an yanke musu hukunci, da kuma mutane 15 da aka samu da laifuka masu nasaba da ta’addanci da tsattsauran ra’ayi.
‘Yan ƙasar ta Maroko sun gudanar da Babbar Sallah a bana ba tare da yin layya ba.
‘Yan ƙasar ba su yi layya ba sakamakon Sarkin na Maroko Mohammed IV, ya buƙaci ‘yan ƙasar da kada su yi layya saboda yadda ake fama da ƙarancin dabbobi a ƙasar da kuma fari.
