Matsawa Gwamnatin Jam’iyar APC Da Jam’i’yun Hamayya Ke Yi; Akan Tsadar Rayuwar Da ‘Yan Najeriya Ke Ciki Tasa Shugaba Tinubu Ya Dawo

DAGA HASSAN UMAR GWAMMAJA

Shugaban Kasa Bola Ahmed Tinubu ya isa birnin tarayya Abuja, bayan kammala ziyara a kasar Faransa domin gudanar da harkokinsa.

Tinubu ya sauka filin jirgin sama na Nnamdi Azikiwe da ke Abuja ne da misalin karfe 8:50 na dare inda ya samu tarba daga tawagar gwamnati karkashin jagorancin Sakataren Gwamnatin Tarayya, Sanata George Akume.

Haka nan, tawagar takunshi manyan jami’ai irin su Shugaban Ma’aikatan Fadar Shugaban Kasa, Femi Gbajabiamila; Ministan Abuja, Nyesom Wike da sauransu.

Tun a ranar Laraba ta makon jiya Tinubu ya bar Nijeriya zuwa Faransa, kuma wannan ita ce ziyararsa ta biyu a kasar tun bayan da ya zama Shugaban Kasa a watan Mayun 2023.