Dalilin ɗauke Sheikh Abduljabbar Daga kurkukun Kurmawa

<span;>Wani labari da ke yawo a kafafen sada zumunta na bayyana cewa an dauke fitaccen malamin addinin Musulunci Shaikh Abduljabbar Nasiru Kabara, daga gidan yarin Kurmawa da ke Kano zuwa wani wuri da ba a bayyana ba.
<span;>‎
<span;>‎Wata majiyar kusa da iyalan malamin ta shaida wa AKSAMMEDIA cewa, daga baya suka ji rade-radin cewa an kai shi gidan yarin Kuje da ke Abuja, lamarin da ya tayar da hankula a tsakanin mabiyansa da ‘yan uwa.
<span;>‎
<span;>‎A wata sanarwa da Askia Nasiru Kabara ya fitar a madadin iyalan Shaikh Abduljabbar, ya ce suna zargin akwai manufar siyasa ko wata bakar manufa a bayan daukar malamin daga Kurmawa zuwa wani wuri daban, musamman a wannan lokaci da ake samun sabbin jita-jita kan batun da ya shafi Shaikh ɗin.
<span;>‎
<span;>‎“Mun sani hukumar kula da gidajen yari ta kasa tana da ikon mayar da fursuna duk inda ta ga dama, amma abin mamaki shi ne me ya sa sai yanzu aka dauke shi bayan shekaru hudu da yake a Kurmawa?” in ji Askia.
<span;>‎
<span;>‎Ya kara da cewa, tun bayan barkewar maganar Lawan Triumph, an fara yada jita-jitar cewa za a saki Shaikh Abduljabbar, wanda hakan ya jawo cece-kuce daga bangaren kungiyar Izala.
<span;>‎
<span;>‎Iyalan Shaikh din sun bayyana damuwarsu cewa yanzu da aka ce an mayar da shi Abuja, ba su da tabbacin yadda ake kula da shi, musamman wajen abinci da lafiya, domin kafin yanzu suna kai masa abinci daga gida.
<span;>‎
<span;>‎A karshe, iyalan sun bukaci  Shugaban kasa, Bola Ahmad Tinubu da sauran Manyan mukarraban gwamnatinsa da su saka ido a kan lamarin
<span;>‎
<span;>‎Kazalika sun bukaci Gwamnatin jihar Kano  da kungiyoyin kare hakkin dan adam saka ido  Domin kare hakkin sa da yin abin da ya dace.
<span;>‎
<span;>‎“Abin da ya faru da Shaikh Abduljabbar ya zama abin damuwa da ya shafi tsaro da adalci a kasa baki daya. Bai kamata wasu kalilan su yi wasa da rayuwar mutum ba,” in ji sanarwar.
<span;>‎
<span;>‎Iyalan sun roki gwamnati da hukumomin tsaro da su binciki lamarin da gaggawa domin tabbatar da cewa ba a tauye masa hakkinsa ba.