Ofishin jakadancin ƙasar Russia a nan Najeriya ya musanta rade-radin da cewa kasar Russia na da hannu a cikin amfani da tutar ta da wasu masu zanga-zanga suke yi.
Da yawa masu zanga-zanga na daga tutar ƙasar Russia a yayin zanga zangar a kwanakin nan.
Dama ana zargi ƙasar ta Russia da hannu a rikicin siyasa da ya shafi kasashen Mali da Nijar da Burkina Faso.
Hakan ne ya haifar da damuwa kan shigar wata kasa daga ketare kan al’amuran da suka shafi cikin gida.
Amma a sanarwar da ofishin jakadancin Russia a nan Najeriya ya fitar ya ce kasar bata shiga al’amuran da suka shafi wata kasa ciki har da Najeriya kuma abinda masu zanga zangar suke yi ya saba da manufofin Russia.
Sanarwar ta kuma ce ƙasar Russia na girmama dimukordiyyar Najeriya.
