Kiimanin matafiya 20 ne wasu ‘yan bindiga suka yi awon gaba da su a hanyar Sagamu-Ijebu-Ode a jihar Ogun da ke kudu maso yammacin Najeriya.
Jami’ar hulda da jama’a ta rundunar ‘yan sandan jihar Ogun, Omolola Odutola, ta tabbatar da sace direban da tare da mutane motar.
Rahotanni sun ce an yi wa matafiya kwanton bauna ne a ranar Lahadin da ta gabata, a yankin Sagamu kusa da ofishin rundunar ‘yan sanda ta kasa da kuma garin Ilishan.
Wani mazauni kuma shugaban hukumar yankin Ilishan, Wemmy Osude, ya shaidawa gidan talabijin na Channels cewa an harbi wani mutum a gwiwa a lokacin da lamarin ya faru.
Ya tabbatar da cewa daya daga cikin wadanda harin ya rutsa da su, mazaunin Ilisan Remo, yana karbar kulawa a asibitin koyarwa na jami’ar Babcock bayan da ‘yan bindigar da ake zargi suka harbe shi a gwiwarsa.
Osude ya kara da cewa ya yi magana da mazaunin garin da ke karbar magani. “Yana cikin kwanciyar hankali,” in ji shi.
Ya kuma bayyana tattaunawa da kwamandan yankin Sagamu da lamarin ya faru, inda ya bayyana fatan jami’an tsaro za su bi sahun masu laifin tare da kubutar da mutanen da aka sace.
Jami’ar hulda da jama’a na rundunar ‘yan sandan jihar Ogun, Omolola Odutola, ta tabbatar da sace wani direba da wasu mutane dauke da makamai suka yi a hanyar Ijebuode/Sagamu.
Ta kuma bayyana cewa, an yi fashi da makami sau uku a wuri guda.
