DAGA HASSAN UMAR GWAMMAJA
Matasa maza da mata da dama a jihar Kano sun sufi domin gudanar da zanga-zanga, don nuna adawarsa da tsadar kayan masarufi da ake fuskanta a Nigeria .
Masu Zanga-zangar dai sun fito ɗauke da kwalaye, inda suke rera waƙa mai taken “Tsadar Rayuwa ba zamu iya ba”, a ƙoƙarin da suke yi na nunawa da nu halin da suke ciki.
Matasan waɗanda suka futo fuskokinsu a murtuke, sun gudanar da zanga-zangar ne yau Alhamis a unguwannin Bachirwa, Kurna da kuma Rijiyar lemo, dake kan titin zuwa katsina a Kano.
Haka kuma Masu Zanga-zangar dai sun ce Rayuwar ta yi musu matuƙar wahala, a sakamakon yadda abinci yake neman gagararsu, balle aje ga sauran Buƙatu na Rayuwa.
Baya ga haka sunce kayan masarufi yana neman gagararsu, saboda yadda abubuwa da yawa suka ninka kuɗin su sama da sau biyar, wasu mah Sai goma.
Adan haka suka fito zanga-zangar, dan nuna fushin su da salon kamun ludayin Shugaban Najeriya Bola Ahmed Tinubu, duba da yadda yake neman kassara Rayuwarsu.
A ƙarshe sunyi fatan dukkan masu ruwa da tsaki zasu yi dukkan abubuwan da suka kamata, domin kawo wa Talakawan Najeriya ɗauki daga wannan hali da suke ciki.
