Miliyoyin Iraniyawa sun cika tituna a fadin ƙasar a ranar Alhamis, domin tunawa da cikar kwanaki 40 da rasuwar Jagoran Juyin Juya Halin Musulunci, Ayatollah Seyed Ali Khamenei, tare da manyan kwamandojin soja da kuma yaran garin Minab—wadanda suka mutu sakamakon hare-haren da ake zargin haɗin gwiwar Amurka da Isra’ila ne suka kai a ranar 28 ga Fabrairu.
Gangamin da aka gudanar a birnin Tehran, wanda ya fara daga dandalin Jomhouri Square zuwa wurin da aka kashe Jagoran, ya zama wata babbar alama ta nuna biyayya ga tafarkin juyin juya halinsa tare da yin Allah wadai da zaluncin abokan gaba.
Masu makoki a Tehran sun gudanar da tattaki cikin natsuwa daga Jomhouri Square har zuwa wurin da aka kashe Ayatollah Khamenei, inda suka rika rera taken nuna alhini, karanta wakokin ta’aziyya, tare da sake jaddada biyayyarsu ga manufofinsa na juyin juya hali.
