Kotun Majistare da ke Injiwaji a Damaturu ta yanke wa wani matashi mai shekaru 22, Rabilu Sani, hukuncin daurin shekaru 12 a gidan yari bisa samunsa da laifin afkawa yarinya mai shekaru 4 a karamar hukumar Jakusko.
Alkalin Kotun Majistare ta 1 da ya jagoranci shari’ar ya bayyana cewa hujjojin da aka gabatar a kan Sani sun gamsar, inda ya same shi da laifi tare da yanke masa hukuncin daurin shekaru 12 ba tare da zabin tara ba.
A wani muhimmin karin haske, kotun ta kuma tabbatar da cewa gwaje-gwajen Lafiya da aka yi wa Rabi’u Sani sun nuna cewa Sani ba ya dauke da cutar HIV, lamarin da ya kawo karshen rade-radin da ake yadawa a kan sa cewa yana dauke da cuta Mai karya garkuwar jiki.
A wani cigaban da aka samu, Babban Lauyan Jihar Jigawa ya yaba da wannan hukunci na tarihi kan laifin zakkewa ƙananan yara.
Gwamnatin Jihar Yobe, karkashin jagorancin Kwamishinar Harkokin Mata, Hajiya Ya Jalo Badama, ce ta jagoranci kokarin ganin an samu adalci, wanda ya kai ga wannan hukunci bayan watanni na shari’a a kotu.
