Hukumar DSS Sun Kama Wani Dan Jarida Jim Kaɗan Bayan Saukar Sa A Filin Jirgin Sama Na Legas

Daga Hassan Umar Gwammaja

Jami’an tsaron farin kaya na DSS sun kama dan jaridar nan, Adejuwon Soyinka jim kadan bayan isowarsa Najeriya.

Premium Times ta rawaito cewa an kama Soyinka ne a filin sauka da tashin jirage na Murtala Muhammad dake Legas.

Dan jaridar, wanda tsohon ma’aikacin BBC ne, an tsare shi da misalin karfe 5.40 na safe.

Premium Times ta rawaito cewa kawo yanzu dai ba a bada dalilin tsare shin ba.

Abokan aikin dan jaridar, wanda ya lashe kyaututtuka da dama sun ce ba a samun sa idan an kira wayarsa.