Kamfanin Hada magunguna na Pfizer ya gabatar da gagarumin taron hadin gwiya da Cibiyar kula da lafiyar kananan yara ta Care suka shirya a dakin taro dake Otel din R&K a jihar kano.
Taron daya gudana bayan kammala wani shiri mai suna “Care’s Lafiyan yara”
Shitin da aka gudanar dashi a Karamar hukumar Bade dake jihar Yobe.
Yayin taron an bayyana hanyoyin da ya kamata abi wajan kula da lafiyar jarirai sabbin haihuwa dama mata masu juna biyu,sai lafiyar kananan yara.
An kuma wallafa wasu faya-fayan biyo da suke nuna hanyoyin daya kamata abi wajan dakile cutuka ga yara.
Daga cikin mahalatta taron akwai Shugaban karamar hukumar Bade Alh Ibrahim Babagana,sai Magajin garin Bade Wanda ya wakilci sarkin Yobe.
Bayan kammala tarob Shugaban karamar hukumar bade ya bayyana mana irin tagomashin da suka samu a karkashin shirin Wanda ya kwashe tsawon shekaru biyu yana gudana.
“Hakika shirin Care’s lafiyar yara yazo jihar Yobe kuma Bade Local government ne kawai suka amfana,ba shakka sun samar mana da cibiyoyin kula da lafiyar yara da Mata masu juna biyu,kuma suna Samar da magunguna da ake rabawa yara yan kasa da shekaru biyar. Ba shakka sun horar da jami’an lafiyar mu ta yadda zasu Kara inganta ayyukansu“
Itama wata jami’a mai suna Jennifer Orgle tayi mana Karin haske akan hanyoyin da sukabi har suka cimma nasara.
“Kwarai Shirin Care’s lafiyar yara ya samu kyakkyawar tarba daga al’ummar Yankin ,kuma sun amfana sosai,sun bamu hadin Kai a tsawon wannan shekaru da muka kwashe muna gudanar da aiki. Mun gode kwarai.
Andai bada kyaututtuka ga jami’an cibiyar ta Care bisa jajircewa da kwazo yayin gudanar da shirin.
Walid Yusuf Hari Aksam Media.
