Pakistan na daf da cimma wata yarjejeniya mai muhimmanci wadda ake ganin za ta zama babban ci gaba a tattaunawar sasanta rikici tsakanin Iran da Amurka.
Jakadan Iran a Pakistan ya tabbatar da cewa ana kan hanyar kammala wannan yarjejeniya, wadda ake sa ran za ta samu amincewar kasashen biyu idan aka kammala ta.
Sai dai rahotanni na baya-bayan nan sun nuna cewa duk da kokarin da Pakistan ke yi na shiga tsakani, har yanzu akwai kalubale da sabanin ra’ayi tsakanin bangarorin biyu, musamman kan sharuddan zaman lafiya na dindindin.
Reuters
Masu lura da al’amura na ganin cewa idan aka cimma wannan yarjejeniya, za ta iya taka muhimmiyar rawa wajen rage tashin hankali a yankin Gabas ta Tsakiya.
