Gwamnatin jihar kano ta sha alwashin Kawo Managartan Shirye Shirye domin Kara bunkasa harkokin Sufuri a jihar kano, domin yin gogayya da sauran jihohin kasar nan.
Maitaimakin Shugaban Hukumar Sufuri ta kano line, Injiniya Abubakar Saddik ne ya bayyana haka a lokacin da yake ganawa da manema labarai a ofishinsa dake Hukumar anan kano.
Injiniya Abubakar Saddik,yace, da zuwansa wannan Hukuma ya samu matsaloli da dama da suka hadar da,Rashin motoci akan hanya sakamakon, lalacewa da suka yi,Amma yanzu, duk an gyara wasu da dama.
Ya kuma bayyana cewa, Da zuwansa ya samu matsaloli na Rashin biyan alwashin Ma’aikata akan lokaci,Wanda shi ma ya kau da wannan matsala.
Eng.Abubakar ya jaddada cewa,yanzu haka,Hukumar za ta bijiro da wasu hanyoyin samun kudaden shiga ta amfani da zamani domin nuna irin ci gaban da Hukumar ta samu cikin kankanin lokaci,inda kuma, yace, Shugabancinsa zai Samar da guraren kwanar baki a cikin Tashar kano line, ta yadda Fasinjoji za su ji dadin kasanwarsu baki komai dare da kara Samar da fitilu masu amfani da hasken Rana domin samun ingantaccen tsaro a tashar.
Abubakar Saddik ya bayyana cewa, yana da kyakyawan yakini Gwamnatin jihar kano, karkashin jagorancin Injiniya Abba Kabir Yusuf,za ta cika Alkawarin da tayi na bunkasa harkokin Sufuri, Wanda ko daga kasafin kudi na Shekarar 2023,akwai yiyuwar bunkasa harkokin Sufuri na jihar kano, domin jihar ta yi gogayya kafada da kafada da sauran takwarorinta jihohi.
Haka zalika,Mataimakin Shugaban Hukumar Sufuri ta kano line, ya bukaci hadin kan Ma’aikatan Hukumar da kamfanoni da kungiyoyi da alummar jihar kano, da su baiwa Shugabancin Hukumar hadin kai da gayan bayan da suka kamata domin samun Nasarar ciyar da harkokin Sufuri gaba.
Yace, Gwamnatin jihar kano, ta himmatu wajen ganin ta bunkasa kowanne fanni, Wanda hakan ne ta sanya Injiniya Abba Kabir Yusuf, ya bashi Jan ragamar wannan Hukumar ta kano line, inda yace, hakan ba zai yiyu ba,sai da hadin kan Alummar jihar kano da Ma’aikatan Hukumar.
Daga karshe Shugaban ya yabawa Gwamnan jihar kano, Abba Kabir Yusuf, bisa dama daya shi na Shugabantar Hukumar domin wannan ba karamar Nasara bace.
