Kungiyar yankasuwar rimi dake birnin Kano ta bayyana bikin harshen hausa da aladun hausa na Duniya a Matsayin abu ne da zai Kara habaka hausa da hausawa a kasashen Duniya,
Shugaban Kungiyar Alh. Sa’adu Salisu ne ya bayyana haka a lokacin taron bikin Hausa ta duniya Wanda aka gudanar a kwalejin share fage Shiga jami’a (cas)
Saidu salisu yace akwai bukatar Gwamnatoci su shigo domin baiwa harshe hausa gudunmawar da ta dace ta Yadda matasa za su rungumi sana’oi a al’adance saboda ƙarin ayyukan yi da alumma za su dogara da su .
Yace Kungiyar kasuwar rimi ta dade tana hadimtawa Gwamnati domin yakar fadan daba da shaye shayen muggwan kwayoyi.
Yace, Kungiyar kasuwar rimi tana bukatar tallafi domin ci gaba da baiwa matasa ilimin kasuwanci, musamman harkokin magungunan gargajiya Wanda da yawa mutane suka yi watsi da ita alhalin Kuma akwai sirri a cikinta, kuma ya bayyana cewar in har Gwamnatin jihar Kano ta kawo masu dauki za su samu damar koyawa matasa dubu daya Sana,oin gargajiya a zamanance.
Saidu salisu yace Yanzu haka akwai Sana’oin gargajiya da yawan gaske da aka zamanantar da su wadanda Gwamnatocin kasashen wajen kamar kasar China suka tallafawa yankasar wajen bunkasa su.
Daga karshe Shugaban Kungiyar yace dazarar Gwamnatin jihar Kano ta hada hannu da Kungiyar kasuwar rimi zai samarwa matasa ayyukan yi domin su yi watsi da shaye shayen muggwan kwayoyi da fadan daba da sauran ayyukan da Basu dace ba.
