DAGA HASSAN UMAR GWAMMAJA
Rahotanni da muka Samu yanzun nan sun tabbatar mana da cewa wani gini mai hawa biyu ya Fado , inda ya danne magina 12 da ake gudanar da aiki a wajen.
Majiyarmu ta rawaito cewa wani ganau ya shaida mana cewa Gina ya afka kan magina ne a lokacin da suke tsaka da aikin ginin a safiyar yau juma’a.
An janye ƴan sandan da ke samar da tsaro ga hukumar da Muhuyi ke jagoranta
Gina dake unguwar kuntau tsohuwar Airport a karamar hukumar gwale, ana zargin mallaki ne ga wani tsohon shugaban hukumar hukumar binnin kano .
Ganau din wanda ya bukaci mu sakaye sunansa, yace jami’an hukumar kiyaye haddura ta kasa reshen jihar Kano sun yi nasara fito da mutane biyu cikin 12 a cikin mawuyacin hali, kuma tuni an wuce da su asibiti domin ceto rayuwar su.
Mun yi ta kokari domin jin ta bakin jami’in hulda da jama’a na hukumar kiyaye haddura ta kasa reshen jihar Kano kan lamarin amma bai daga waya ba.
