DAGA HASSAN UMAR GWAMMAJA
Yin jima’i sau 21 a wata ya zama wajibi ga da namiji muddin yana da isasshiyar lafiya domin kare kanshi daga cutar daji ta gaban maza wato “prostrate cancer”
Ba ma ita kadai ba, akwai cututtuka da dama masu alaƙa da cutar daji da ire-irensu wanda hanya mafi sauki da namiji zai iya magance su shine yin jima’i akai-akai kamar yadda yake a likitance,
A wani shirin kiwon lafiya da ƙwararren likita na Najeriya Dr. Ken ke gabatarwa tashar Classic Fm, Mahanga ta kalli shirin na wannan makon wanda aka tattauna da ƙwararren likita ɗan Najeriya mazaunin Amurka Dr. Rasheed Adedapo Abbasi ya baiwa maza shawarwari masu muhimmanci da za su bi domin kare kansu daga cutar kansar mazaƙuta ko mahaifa musamman ga ɗa namiji,
Mahanga ta ruwaito Dr. Rasheed na cewa “Hanya mafi sahihanci wacce bincike ya tabbatar tana maganin “Prostrate Cancer” da ire-irenta ga ɗa namiji, shine yawan jima’i, a likitance wajibi ne ga ɗa namiji ya yi jima’i sau 21 a wata, sannan ya kula da motsa jiki ta hanyar yin tattaki, akalla tattaki na mintuna 15 da safe da kuma yin tattakin minti 15 da yamma”
Ƙwararren likitan ya cigaba da cewa “babu wata mafita da ya wuce wannan, don haka namiji ya dage ya lallaɓa matarsa ta bashi haɗin kai ya riƙa samun yin jima’i sau 21 a wata”, idan kuma ba haka ba to hanya mafi sauƙi shine mutum ya auri mace fiye da ɗaya, domin ya samu biyan buƙata”
“Ina bawa mata shawara su riƙa amincewa mazajensu su ƙara aure idan suna so ya yi tsawon rai domin dole yana buƙatar wannan jima’i akai-akai”
Dr. Rasheed Adedapo Abbasi ya cigaba da shawartar maza su guji cin
Maggi, da gishiri muddin suna son suyi ƙarko a wajen jima’i da kuma samun rayuwa mai daɗi, sannan su dage da yawan shan ruwa a yini.
