An ga jami’an tarayya suna ɗaukar masu zanga-zanga masu adawa da hukumar ICE (Immigration and Customs Enforcement) a birnin Minneapolis, bayan sun ƙi bin umarnin jami’an da aka ba su a cikin yanayi mai zafi.
A yawancin lokuta, jami’an sun yi ƙoƙarin tsabtace hanya ko gudanar da ayyukan tilasta bin doka, amma wasu daga cikin masu zanga-zangan sun ki motsawa ko bin umarnin da aka ba su, wanda hakan ya janyo jami’an su ɗauke su da ƙarfi daga wuraren da suke tsaye.
Wata mata da aka ɗauka tana bayyana cewa tana buƙatar motsa motarta, tare da ikirarin cewa tana da nakasa da rauni a kwakwalwa, kuma tana cewa tana da autism yayin da ake cire ta daga motar
Lamarin ya faru ne a daidai lokacin da ake ci gaba da zanga-zanga kan ayyukan hukumar ICE a birnin Minneapolis, bayan wasu rikice-rikice da suka haɗa da harbe-harbe da suka haifar da hasarar rai da kuma ƙarin yawan jami’an tarayya da aka tura yankin.
