Daga Hassan Umar Gwammaja
Wani rahoto ya nuna cewa wannan wani almajiri ne da yaje almajiranci Abuja daga baya ya sauya izuwa mai sana’ar yankan farce, acewar rahoton matashin mai sana’ar yankan farce yana samun mafi karanci Naira dubu goma N10,000 kullum da wannar sana’ar, a wata kenan yana samun dubu dari uku N300,000.
A daidai lokacin mukuma wasu matasan mu sun takure tunanin su agu daya yayin da suke ganim bin yan siyasa ko harkar social media ce zata sa suyi arziki wanda cikin su sai mai tsananin rabone zai iya samun Naira dubu dari uku a shekara yayin da wancan matashin yake samun Naira dubu 300 duk wata.
Da wannan nake kiraga matasan mu dasu rage dogaro da yan siyasa su maida hankali gurin fadada tunanin su gurin nema da maida hankalin su akan sana’oinsu dabin hanyoyin da zasu ingantasu don dogaro da kansu domin babu abunda yakai dogaro da kai dadi.
Koda yazama dole sai mumbi yan siyasa to mu maida hankali gurin bin hanyoyin da zasu bamu gudunmuwa don dogaro dakai, ya bayyana karara duk mai dukiyar ko dama da bazai taimakeka ka tsaya da kafarka ba to so yake yacigaba da bautar dakai.
