Iran ta sanar da cewa ta samu nasarar ƙera wata ƙwaƙwalwar wucin gadi ta gwaji a dakin bincike, wadda aka yi ta da kwayoyin halittar jijiyoyin kwakwalwar ɗan adam masu rai, kuma tana iya samar da hanyoyin sadarwar jijiyoyi masu iya koyo.
Jami’an Iran sun ce wannan sabuwar fasahar halittu tana iya sarrafa bayanai cikin sauri fiye da na’urorin kwamfuta masu amfani da kwakwalwan silicon, yayin da take amfani da makamashi ƙasa da sau miliyan ɗaya idan aka kwatanta da fasahar da ake amfani da ita a yanzu.
A cewar mahukuntan ƙasar, wannan ci gaban na iya buɗe sabon babi a fannin fasahar ƙwaƙwalwar wucin gadi da kuma samar da sabbin hanyoyi wajen ƙirƙirar kwamfutoci masu ƙarfi da ƙarancin amfani da makamashi.
