Dantakarar Shugabancin kungiyar Kasuwar masu hada-hadar wayoyin hannu ta kasuwar Bata,ya sha Alwashin kawo managartan shirye shirye da zarar ya samu Darewa kujerar Shugabancin kungiyar kasuwar.
Bashir Hamza Baballe ne ya Tabbatar da hakan a lokacin da yake yakin Neman zabe a kasuwar dake Bata a nan kano.
Bashir Hamza yace,daga cikin ci gaban da zai kawowa Alummar Kasuwar, Akwai Samar da Tsaro da Hasken Wutar Lantarki da Samar da kyakyawar Alaka tsakanin Yankasuwa da Abokanan cinikinsu na yau da kullum.
Dantakarar ya bayyana cewa, akwai tsarin da Shugabancinsu yake da Aniyar yi na shiga wajen Gwamnati da Bankunan Kasuwanci domin Nemowa yankasuwar Aron kudaden da babu kudin Ruwa a cikinsu,Wanda zai taimaka musu wajen bunkasa harkokin kasuwancinsu.
Bashir Hamza ya kara da cewa,akwai hanyoyin da ya tanada wajen magance matsalolin da yankasuwa ke fuskanta a bangaren biyan kudin hayar shaguna da bangaren biyan kudaden haraji.
Haka zalika,ta bangaren Gwamnati, Shugabancin kungiyar kasuwar, zai yi ayyuka kafada da kafada wajen ciyar da Alummar Kasuwar masu hada_hadar wayoyin hannu gaba.
Daga karshe ya shawarci Yankasuwa da su bashi goyan bayan da suka kamata domin samun Nasara a zaben da za,a gudanar a kasuwar, inda yace,da zarar sun samu damar lashe zabukan zai basu damar cika alkawuran da suka dauka.
Ibrahim sani gama pyramid radio.
