Majalisar tarayyar Turai na ƙara matsa lamba wajen samun ikon kai a fannin dijital (digital sovereignty) domin rage dogaro mai yawa da take yi ga manyan kamfanonin fasaha na Amurka.
A halin yanzu, kamfanonin Amurka kamar AWS, Azure, da Google Cloud ne ke mamaye fiye da kashi 70–80% na kasuwar ajiyar bayanai (cloud) da manyan kayayyakin dijital a Turai.
A cikin sabbin matakan da EU ke ɗauka, akwai wani kuduri da Majalisar Tarayyar Turai da ta amince da shi a watan Janairu 2026, wanda ke kira da a fifita zaɓuɓɓukan da ba na Amurka ba wajen sayen kayan fasaha a hukumomin gwamnati.
Haka kuma, kudurin na ƙarfafa gina wani tsarin fasaha na Turai da ake kira “Eurostack”, domin ƙarfafa ‘yancin kai da tsaron bayanan dijital na nahiyar.
Masu goyon bayan kudurin na ganin wannan mataki zai taimaka wajen kare bayanan Turai, ƙarfafa kamfanonin cikin gida, da kuma rage tasirin kamfanonin ƙasashen waje a muhimman tsare-tsaren fasaha.
