Trump, ya ce shi ya shawo kansa da kansa ya fasa kai wa Iran hari

Shugaban ƙasar Amurka, Donald Trump, ya ƙaryata rahotannin da ke cewa kasashen Larabawa ne suka shawo kansa Game da fasa harin Iran

Ya ce Babu wani jagora a ƙasashen Larabawa da jagoranci kokarin shawo kansa kada ya kai hari kan Iran, yana mai cewa ayyukan Iran ne suka sauya masa ra’ayi.

Trump ya shaida wa manema labarai a ranar Juma’a yayin da yake barin Fadar White House domin tafiya Florida don hutun karshen mako cewa, “Babu wanda ya shawo kaina — ni ne na shawo kaina da kaina.”

Ya kara da cewa, “Ba su rataye kowa ba. Sun soke hukuncin rataye mutanen. Wannan ya yi tasiri sosai a kaina.”