A kasar Hausa dai, kafin zuwan turawa, akwai hanyoyin sadarwa da dama da ake amfani dasu
– Sadarwa na da amfani don isar da sako ga jama’a – Kafafen sadarwa na zamani, sun bishe na baya domin ingancinsu
A kasar Hausa a zamunna da suka shude, ana amfani da kafafen sadarwa ne wajen yada bayanai, sanarwa da isar da sakon hukuma ko masarautu ga talakawansu.
A wadancan lokuta, babu lantarki, babu yanar gizo, babu jirage, babu mota ba kuma kowa ne ya iya rubutu ba, balle karatu, don haka, magana ta fatar baki ko wata alama ita take isar da sakonni.
A wasu lokuta akan kada kayan kida ko amsa kuwwa, domin a jawo hankalin mutane ga sakon da ake son bayarwa. Kadan daga cikin hanyoyin da ake amfani dasu wajen sadarwa a kasar Hausa sune:
1, amsa kuwa
2, kada Ganga
3, rubuta wasika
4, yin wake
5, yin Guda
6, harba Bindiga
7, hura wuta
8 busa Algaita
1. Amsa kuwwa: Ana amfani da Amsa kuwwa ne domin jan hankalin jama’a, ita amsa kuwwa, karf ne mai kwaroron baki, da ake kerawa daga tama, sai a doke shi da wani karfen dan karami, sai ya amsa kuwwar, sai ko’ina a jiyo, kusa da nesa.
2. Ganga: Ana amfani da ganga, wadda ake kerawa da fatu ko na rago ko na akuya, wadda itama, take amsa kuwwa, domin jam hankalin jama’a.
3. Wasika: Ana amfani da wasika, a rubuce da ajami, yaren Hausa amma harufan larabci, ko kuma da larabci, a wasu lokutan ma da fillanci.
4. Waqe, ko qasida: kan yi amfani da waqa ko qasida domin sadarwa ko isar da sako, musamman tsakanin masoya, ko tsakanin maroka da masu hannu da shuni.
5. Guda, ita guda akan yi amfani da ita ne domin isar da sakon cewa Amarya na tafe mu Sammani a lokacin da aka zo shigar da ita gidan surukan ta.
Bindiga, ana amfani da bindiga wajen sanar da alummar musulmai cewa wani sabon al’amari ya zo musamman yayin da sabon wata na musulunci ya kama
Misalin masu gambara kan yi waka su zayyano surorin mutane masu ma’ana da yabo, domin a basu hatsi ko kudi.
Zamani dai ya kore wadannan irin hanyoyi na sadarwa, inda yanzu mutane kan sami sakonninsu ne ta hanyar wayar salula, wayar gida, talabijin, hotuna, yanar gizo, da sauransu.
Manazarta: legit hausa. Com
