Da ɗumi-ɗumi Hukumar alhazai ta ƙasa ta ƙara kuɗin aikin hajjin bana

Hukumar jindaɗin Alhazai ta ƙasa (NAHCON), ta bayyana cewa kamfanonin jiragen sama guda huɗu na ƙasar nan, sun buƙaci da a ƙara kuɗin hajjin bana na shekarar 2023.

Shugaban hukumar NAHCON, Zikrullah Hassan, ya bayyana cewa kamfanonin jiragen sun buƙaci da a ƙara kuɗin da $250, kamar yadda rahoton Daily Trust ya tabbatar

Hukumar tace Dalilin su na neman ƙarin ya biyo bayan rikicin da ake yi a ƙasar Sudan, wanda zai sanya sai sun bi doguwar hanya kafin su isa ƙasa mai tsarki.

Da ya ke magana a birnin tarayya Abuja, wajen horar da jami’an hukumar na jihohi a ranar Asabar, din nan Hassan ya bayar da tabbacin cewa maniyyatan ba za su biya ko sisi ba a dalilin ƙarin.