Daga Ibrahim Sani Gama
Kungiyar masu hada_hadar kasuwancin kayayyakin wayoyin hannu ta jihar kano, dake Bello road gidan Baba na begu ta koka da yadda wasu shugabannin gidajen suke kokarin yin gine gine ba bisa kaida ba.
Shugaban kungiyar kasuwar na jihar kano, Dahiru Danladi madaki ne yayi wannan koken a lokacin da yake zantawa da manema labarai anan jihar kano.
Shugaban yace, ba dai dai bane wasu mutane su rika yin gini a guraren da basu kamata ba,Wanda yin hakan zai haifar da matsaloli da dama,musamman masu karamin karfi da wadanda basu da shaguna,inda yace,kungiyar ba za ta zuba ido ba tana kallon irin haka tana faruwa ba.
Dahiru Galadima,ya bayyana cewa, kungiyar ta Samar da ci gaba da dama tun da ta fara shugabancin wannan kungiya,wadanda suka hadar da,Samar da tsaro da kawar da rigingimu tsakanin yankasuwa,musamman ta fannin harkokin kasuwanci da tallafawa yankungiya ta fanoni da dama.
Yace, yanzu haka kungiyar ta Samar da hasken wutar lantarki a kasuwar, Wanda yanzu kuma, lissafa adadin kudaden da zata kashe domin Samar da lantarki mai amfani da hasken rana kuma za yi wannan aiki kyauta ba tare da ta karbi kudin kowa ba a kasuwar, Domin inganta jin dadi da walwalar alummar kasuwar.
Haka zalika,ya bayyana cewa, Kungiyar za ta hada hannu da karamar hukumar fagge domin samarwa ‘ya’yanta Aron kudade da za su habaka jarinsu bare da kudin ruwa ba,musamman masu kananan jari da su ke bukatar tallafi, duba da yadda cire tallafin man fetur ya haifar harkokin kasuwanci a fadin kasar nan.
Shugaban ya bayyana cewa, tsadar da man fetur yayi ya taba kasuwancinsu alumma da dama, ciki har da bangaren sana,ar kayayyakin wayoyi ta fannin siyo kaya da biyan kudi na motocin dako kayayyakinsu.
Daga bisani ya yi kira ga yankungiyar da su baiwa shugabancin kungiyar kasuwar cikakken hadin kan da ya dace, domin ci gaba da bijiro da kyawawan ayyuka domin bunkasa harkokin kasuwanci da farfado da tattalin arziki kasuwancin jihar kano.
